Коллеж ва техникумларда тўлов-контракт миқдорлари оширилмайди. Бу ҳақда Олий ва ўрта-махсус таълим вазирлиги маълум қилди.
Қайд этилишича, профессионал таълим муассасаларида таҳсил олаётган ўқувчиларга қулай шароитлар яратиш, ёшлар касб-ҳунар эгаллаши учун имкониятларни кенгайтириш, уларнинг ота-оналарини ижтимоий қўллаб-қувватлаш мақсадида аҳоли тўлов қобилиятини инобатга олган ҳолда, коллеж ва техникумларда 2022/2023-ўқув йили учун барча босқичдаги ўқувчиларни тўлов-контракт асосида ўқитиш қиймати миқдорлари сақлаб қолинади.
Маълумотларга кўра, жорий йил коллеж ва техникумларга кундузги таълим шакли бўйича 15 815 нафар ўқувчи давлат гранти асосида қабул қилинган.
Шунингдек, профессионал таълим муассасаларига ота-она қарамоғидан маҳрум бўлган ўқувчилар ҳамда ижтимоий ҳимояга муҳтож оила фарзандлари белгиланган тартибда қабул параметрларидан ташқари қўшимча давлат гранти асосида қабул қилинади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!