Руслан Нурудинов Самоадаги халқаро турнирда чемпионликни қўлга киритди.

Самоанинг Апиа шаҳрида оғир атлетика бўйича нуфузли халқаро турнир – Universal Weightlifting Cup бўлиб ўтди. Мазкур мусобақа Осиё ва Океания минтақасининг етакчи атлетлари учун йилнинг энг муҳим стартлари – Осиё ўйинлари ҳамда Жаҳон чемпионати олдидан муҳим тайёргарлик босқичи сифатида баҳоланмоқда. Турнирнинг энг катта қизиқиш уйғотган йўналишларидан бири -110 кг вазн тоифаси бўлди. Ушбу вазнда асосий рақобат ҳамюртимиз Руслан Нурудинов ва қозоғистонлик Артём Антропов ўртасида кечиши кутилганди. Бироқ 2024-йилги жаҳон чемпиони Антропов виза муаммолари сабаб Самоага етиб бора олмади.

Натижада Олимпиада ва жаҳон чемпиони Руслан Нурудинов иккикураш якунларига кўра 400 кг натижа билан мусобақа ғолибига айланди. У даст кўтаришда 178 кг, силтаб кўтаришда эса 222 кг вазнни муваффақиятли забт этди.

• Оғир атлетика
• Спорт
• turnir