Йиғилиш давомида Мазут ва кўмир икки йилга бождан озод қилиниши ҳам белгиланди. Шунингдек, кўмир импорти учун уч йил муддатга револьвер кредитлар берилади.

Шунингдек, мутасаддилар ва ҳокимлар олдига яқин муддатда аҳоли ва ижтимоий соҳа учун 1 миллион 200 минг тонна, йил якунигача яна шунча кўмир етказиб бериш, 1 октябргача 600 минг тонна кўмир ва 350 минг тонна мазут захирасини яратиш вазифаси қўйилди. Видеоселекторда ҳозирда қатор маҳаллаларда газ босими паст, йўқотишлар юқори экани ҳам қайд этилди. Бу маҳаллалардаги хонадонларнинг газ таъминотини уч босқичли тизимдан икки босқичлига ўтказиш режалаштирилган.

Жорий йилнинг октябрь-декабрь ойларида истеъмолчиларга 163 минг тонна суюлтирилган газ етказиш топшириғи берилди.

Шунингдек, йиғилиш давомида вилоят ҳокимларига 300 дан зиёд олис маҳалла учун кўмир, суюлтирилган газ ва асосий турдаги озиқ-овқат захирасини яратишга топшириқ берилди.

• Мирзиёев
• Президент
• Видеоселектор