Бухорода Lacetti ҳайдовчиси икки нафар ўқувчини уриб юборди. Тасвирлардан кўриниб турибдики, бунга машинанинг катта тезликда эканлиги сабаб бўлган.

2024 йилнинг 2 октябрь куни соат 05:54 ларда Бухоро вилояти Қоракўл тумани “Эски-қалъа” МФЙ ҳудудидан ўтувчи 4Р-76-сонли автомобиль йўлнинг 1-км.да О.М. бошқарувида бўлган Lacetti русумли автомобиль Қоракўл тумани марказидан Автобошбекат томон ҳаракатланиб бораётган вақтида 15-сонли ИДУМ тўғрисида жойлашган тартибга солинган пиёдалар ўтиш жойидан ўзига нисбатан ўнгдан чапга ўтаётган, икки нафар пиёдаларни уриб юбориб йўл-транспорт ҳодисаси содир қилган. Бу ҳақда вилоят ИИБ хабар берди.

Қайд этилишича, ушбу ҳодиса натижасида бир нафар пиёда олган тан жароҳатлари юзасидан Қоракўл туман касалхонасида вафот этган. Иккинчи пиёда эса ҳозирги кунда касалхонада даволанмоқда.

Таъкидланишича, ўша куннинг ўзида ҳолат юзасидан Ўзбекистон Республикаси ЖК. нинг 266-моддаси 2-қисми билан жиноят иши қўзғатилган ҳамда ҳайдовчи ЖПКнинг 221-моддаси тартибида ушланган.

• Бухоро
• O'lim
• Tezlik