Англиянинг «Лестер» клуби «Челси» ўз сафига қўшиб олмоқчи бўлган 21 ёшли ҳимоячи Уэсли Фофананинг нархини белгилаб олди.

Foot Mercato маълумотларига кўра, «тулкилар» ўз ўйинчиси учун камида 95 миллион евро олишни кутмоқда, бу эса футболда тарихдаги ҳимоячилар учун белгиланган энг қиммат шартнома бўлиши мумкин.

Фофана учун оширилган нарх шу йилнинг март ойида шартномани узайтириши билан боғлиқ бўлиб, натижада француз футболчиси «тулкилар» сафида 2027 йилгача қолишини расмийлаштирган.

Маълумотларга кўра, клублар ўртасидаги музокаралар шу дам олиш кунлари фаоллашиши керак ва «Лестер»нинг ўзи футболчининг ўрнини босадиган футболчи излай бошлаган.

«Тулкилар» аввалроқ «Челси»нинг 75 ва 82 миллион евролик иккита таклифини рад этганди.

Фофана 2020 йил октябр ойида «Сент-Этен»дан «Лестер Сити»га ўтган эди. Ўшандан бери ҳимоячи 50 ўйинда 1 та гол урди ва битта голли узатмани амалга оширди.

• Футбол
• Трансферлар
• Хориж