Аргентина терма жамоаси ҳужумчиси Лионел Месси Хитойдаги аэропортда қўлга олинди, деб хабар бермоқда К.Sina.

35 ёшли ҳужумчи виза муаммоси туфайли ҳибсга олинган. Қайд этилишича, Месси Хитойга Испания паспорти билан келган. Испания эса Хитой билан визасиз режимга эга эмас.

Келтирилишича, бошқа бир аргентиналик футболчи Николас Отамендининг ҳам паспортида муаммо бўлган. Масала 20 дақиқада ҳал бўлган. Месси эса ҳақиқатан ҳам икки соат ҳибсга сақланган.

Маълумот ўрнида, бу Мессининг Хитойга еттинчи ва 2017 йилдан бери биринчи марта ташрифи бўлган. Мамлакатга аввалги ташрифларининг ҳар бирида футболчининг кўп сонли мухлислари уни илиқ кутиб олишган.

• Футбол
• Месси
• Хитой