Американинг Ню-Ёрк шаҳрида бўлиб ўтаётган Рапид ва блитс бўйича жаҳон чемпионатининг 8-туридан сўнг Магнус Карлсен кийиниш қоидаларини бузгани сабабли 9-турга қўйилмаган.

“Бугун жаноб Магнус Карлсен узоқ йиллик қоидаларга биноан тақиқланган жинси шим кийиб, кийиниш қоидаларини бузди. Бош ҳакам Карлсенни бу ҳолатдан хабардор қилиб, 200 доллар жарима солган ҳолда кийимини алмаштиришни сўради. Афсуски, Карлсен рад жавобини бергани учун у тўққизинчи турга қўйилмади. Ушбу қарор холисона қабул қилинди ва барча ўйинчиларга бирдек татбиқ этилади” – дейилади ФИДЕ баёнотида.

Аввалроқ, яна бир иштирокчи Ян Непомниачтчи ҳам спорт пойабзали кийиб, кийиниш қоидаларини бузганлиги учун жаримага тортилган. Бироқ у дарҳол бу қоидаларга бўйсуниб, рухсат этилган кийимга ўтган ва турнирда иштирокини давом эттирган.

• Жаҳон чемпионати
• Магнус Карлсен
• Шахмат