Икки вазн тоифасида собиқ UFC чемпиони, ирландиялик Конор Макгрегор россиялик жангчи Ислом Махачев ва Бразилия вакили Чарлз Оливейра ўртасидаги UFC 280 турнирида енгил вазн тоифасидаги чемпионлик жанги ҳақида ўз тахминини айтди.

“Оливейра ёки Исломми? Оливейра, осонликча”, - деб ёзди Макгрегор twitter да.

Эслатиб ўтиш мумкин, Оливейра ва Махачев UFC 280 турнирида енгил вазн тоифасидаги бўш бўлган UFC камари учун жанг қилади.

Қайд этиш мумкин, Оливейра ҳозирда UFC енгил вазн тоифаси рейтингида 1-ўринни эгаллаб турибди.

У UFCда кетма-кет 11 та жангда ғалаба қозонган ва 2021-йилда Майкл Чандлерни мағлуб этиб, камарни қўлга киритганидан бери чемпионлик жангларида 3:0 ҳисобида зафар қучган.

Махачев эса рейтингда тўртинчи ўринни эгаллаб, 10 та жангдан иборат ғалабали сериясини давом эттирмоқда.

Маълумот учун, Махачев ва Оливейра ўртасидаги жанг Абу-Дабида (БАА) 22-октябрга белгиланган UFC 280 турнири доирасида бўлиб ўтади.

• UFC
• Хориж