“РБ Лейпциг” ҳамда Хорватия терма жамоаси ҳимоячиси Йошко Гвардиоль Туманли Албионга йўл олиши мумкин. Хабарларга кўра, “шаҳарликлар” 20 ёшли истеъдодли футболчи учун 110 миллион евро тўлашга тайёр.

Гвардиол 2021 йилдан буён Германия клуби сафида ҳаракат қилиб келмоқда. Унинг “буқалар” билан шартномаси 2027 йилга қадар мўлжалланган. Хорватнинг трансфер қиймати 60 миллион еврога тенг.

Ушбу мавсумда ҳимоячи барча турнирларда “Лейпциг” сафида 19 та ўйин ўтказди ва 1 та гол уришга муваффақ бўлди. Йошко Хорватия термасининг ЖЧ ярим финалигача йўлида ишончли ва яхши ўйин кўрсатди ва Европанинг бошқа гранд клубларининг эътиборини торта олди.

Ҳимоячига “Реал”, “Челси”, “Бавария” клублари ҳам қизиқиш билдирмоқда.

• Бундеслига
• Жаҳон чемпионати
• Manchester Siti
• Трансферлар
• Хорватия