Футбол бўйича Европа чемпионлар лигасининг иккинчи финалчиси номи аниқ бўлди. Манчестер шаҳридаги “Этиҳад” стадионида “Манчестер Сити” ўз майдонида “Реал Мадрид”ни қабул қилди. Учрашувда мезбонлар 4:0 ҳисобида ғалаба қозониб, ўз тарихида иккинчи бор мусобақа финалига йўл олди.
Ўйиннинг 23-дақиқасида Бернарду Силва “шаҳарликлар”ни ҳисобда олдинга олиб чиққан бўлса, орадан 14 дақиқа ўтиб дублни расмийлаштирди. 73-дақиқада Эдер Милитаонинг автоголидан сўнг ҳисоб йирик кўринишга келди ва учрашув якунланаётган бир пайтда Жрлинг Холланд ўрнига майдонга тушган Хулиан Алварес рақиб дарвозасига тўртинчи голни киритди.
Мадрид шаҳрида бўлиб ўтган илк учрашувда 1:1 ҳисобидаги дуранг натижа қайд этилганди. Шу тариқа, “шаҳарликлар” ўз тарихида иккинчи бор ЕЧЛ финалига йўл олди. Бунга қадар 2020-2021 йилги мавсумда ҳам Гвардиола жамоаси қитъанинг энг нуфузли турнирининг ҳал қилувчи палласига қадар етиб борган ва якунда “Челси”га имкониятни бой берган эди – 0:1.
Эслатиб ўтиш мумкин, жорий мавсум ЕЧЛ финалида “Манчестер Сити” ва “Интер” жамоалари ўзаро тўқнаш келади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!