“Surxon Arena” стадиони кенг кўламли модернизациядан сўнг қайта очилди. Унинг реконструкцияси 2023 йилдан 2025 йилгача бош ҳомий – Eriell Group кўмагида амалга оширилган. Сиғими 10 599 нафар томошабинга мўлжалланган замонавий футбол стадиони Термиз шаҳрининг марказида жойлашган. Эндиликда “Сурхон” жамоаси уй стадионида рақибларни қабул қила олади.

Бир неча мавсумни бошқа шаҳарларда ўтказган “Сурхон” ўзининг тубдан янгиланган қадрдон стадионига қайтмоқда. Энди “Surxon Arena” замонавий инфратузилма, яхшиланган трибуналар, табиий чим тўшалган стадионнинг сифатли яшил қопламасига эга. Ўйинлар FIFA стандартларига мос келадиган замонавий ёриткичларда ёритиб борилади. Спорт мажмуасининг барча ички хоналари имкониятлари ҳам сезиларли даражада яхшиланган.

Янгиланган “Surxon Arena” Ўзбекистон Профессионал футбол лигаси томонидан юқори баҳоланди. Унинг вакиллари стадионнинг юқори даражада тайёрланганини, инфратузилманинг талабларга тўлиқ жавоб беришини таъкидлаган. Мутахассисларнинг фикрича, стадионни қайта тиклаш бўйича амалга оширилган ишлар турли футбол жамоаларини, биринчи навбатда, асосий жамоани кенг ривожлантириш имконини беради.

• Спорт
• Спорт гимнастикаси
• Сурхондарё