Мутахассисларнинг маълум қилишича, Мексикада шу кунларда ҳарорат бир даражагача тушиб кетиши мумкин.

Гап шундаки, ҳароратнинг 1 даражага тушиб кетиши мексикаликлар учун аввал кузатилмаган аномал об-ҳаво ҳолати ҳисобланади.

Бундан ташқари, мамлакатнинг айрим ҳудудларида музлаган ёмғир ёғади, деб хабар берган «Россия 24». Таъкидланишича, Мексика ҳукумати муҳтожларга иссиқ овқат ва кўрпа-тўшаклар тарқатишни бошлаган.

Шаҳарликларга имкон қадар уйда қолиш, иссиқроқ кийиниш ва дастлабки шамоллаш аломатлари кузатилса шифокорларга мурожаат қилиш тавсия қилинмоқда.

Шунингдек, Мексиканинг шимолида кузатилаётган совуқ туфайли ҳозиргача камида 26 киши вафот этгани, 70 киши исиниш жараёнида ис газидан заҳарлангани ёки куйиш жароҳатини олгани айтилмоқда.

• Аномал совуқ
• Мексика