Месси Чемпионлар лигасида 40 та жамоага гол урди. Бу рекорд. Роналду эса 38 та клуб дарвозасига тўп киритган.

Лионел Месси Чемпионлар лигасида гол урган жамоалар рўйхатига Бенфика ҳам қўшилди.

5-октябр оқшомида аргентиналик ҳужумчи “Бенфика” дарвозасига гол киритди (1:1). Бу орқали Мессининг Чемпионлар лигасида гол урган жамоалари сони 40 тага етди.

Месси ўз рекордини янгилади. Унинг энг яқин таъқибчиси эса 38 та клубга гол урган ҳужумчи Криштиану Роналду бўлиб турибди.

Ўз навбатида, Месси жарима майдончаси ташқарисидан урилган голлар сони бўйича Криштиану Роналдуга тенглашди.

ПСЖ ҳужумчиси Чемпионлар лигасида жарима майдони ташқарисидан ўзининг 22-голини киритди.

Қайд этиш мумкин, португалиялик футболчи жарима зарбасидан 12 та гол урган ва 10 бор майдондан тўп киритган бўлса, аргентиналик футболчи 5 маротаба жарима зарбасидан, 17 марта эса майдондан гол киритган.

Шунингдек, Месси гуруҳ босқичи доирасидаги 83 та ўйинда ўзининг 77-голи уришга муваффақ бўлди.

• Футбол
• Месси
• Роналду
• ЕЧЛ