Мисрда иккита поезд тўқнашиб кетди. Оқибатида бир киши ҳалок бўлди, 20 киши яраланди. Яраланганлар орасида уч нафар хорижлик ҳам бор, дея хабар беради маҳаллий Соғлиқни сақлаш вазирлиги.Бахтсиз ҳодиса мамлакатнинг марказий қисмида содир бўлган.

Поездлардан бири Асвондан Қоҳирага кетаётган йўловчи поездига бориб урилган. Натижада поезднинг иккита вагони сув каналига қулаб тушган. Қурбонлар орасида Малайзия ва Колумбия фуқаролари ҳам бор. Ҳодиса сабаблари ўрганилмоқда.

Мисрда темир йўл ҳалокатлари одатий ҳолдир. Бундай ҳолатлар тармоқ ва ҳаракатланувчи таркибнинг ёмонлашуви, шунингдек, инсон омили туфайли юзага келади.

• Halokat
• Misr
• Поезд