Наманган вилоятида “Дамас” автомобили ҳайдовчиси темирйўлга чиқиб кетиш оқибатида воқеа жойида тан жароҳати билан вафот этди. Бу ҳақда Наманган вилояти Ички ишлар бошқармаси Йўл ҳаракати хавфсизлиги бошқармаси хабар берди.

2024 йил 09 ноябрь куни соат 19:00 ларда Наманган вилояти ИИБ ЖХХ ЙҲХБ Навбатчилик қисмига келиб тушган хабарга кўра, шу куни соат 10:20 ларда, Уйчи-Чортоқ темир йўл бекатлари оралиғининг 118-километри 1-тўсиғидаги қўриқланмайдиган темирйўл кесишмасида 1961 йилда туғилган ҳайдовчи “Damas” русумли автомашинани бошқариб бораётиб, кесишмадаги тўхташ ишораси белгисига амал қилмай ҳаракатда давом этиши натижасида темир йўлда ҳаракатланиб келаётган Тепловознинг юк вагонига бориб урилган.

Ҳодиса оқибатида ҳайдовчи оғир тан жароҳати билан воқеа жойида вафот этган.

• Наманган
• Поезд
• Темир йўл