Маълумотларга кўра, Бош прокуратура ҳузуридаги Департаментнинг Навоий шаҳар бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда фуқаролар Ғ.А. ва М.П. фуқаро А.Х.га гўёки юқори лавозимда ишловчи танишлари ёрдамида қўшни Қозоғистон Республикасидаги Олий таълим муассасасида ўқиганлиги тўғрисида ҳужжат тайёрлаб бериб, кейинчалик Қашқадарё вилоятидаги Ахборот технологиялари ва менежмент университетининг 3-босқичига ўқишга киритиб қўйишлари эвазига 1 500 АҚШ долларини олган вақтларида ашёвий далиллар билан ушланган. Бу ҳақда Иқтисодий жиноятларга қарши курашиш департаменти хабар берди.

Шу каби, Департаментнинг Фарғона вилоят бошқармаси томонидан ўтказилган тезкор тадбирда фуқаролар Г.В. ва бошқалар фуқаро М.О.ни гўёки юқори лавозимда ишловчи танишлари ёрдамида Марғилон шаҳридаги 1-сонли тиббиёт техникумига ўқишга киритиб қўйишлари эвазига 500 АҚШ долларини олган вақтларида қўлга олинган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

• Фарғона
• Фирибгарлик
• Навоий