7 майдан 8 май санасига ўтар кечаси Европа Чемпионлар Лигасининг иккинчи ярим финал баҳси бўлиб ўтди. Париж шаҳридаги “Парк де Пренс” стадионида мезбон “ПСЖ” ҳамда Лондоннинг “Арсенал” жамоалари ўзаро тўқнаш келди.

Учрашув меҳмонларнинг юқори даражадаги ҳужумлари билан бошланди, бироқ ўйиннинг 27-дақиқасида “ПСЖ” футболчиси Фабиано Руиз ҳисобни очди. Иккинчи бўлимнинг 69-дақиқасида мезбонлар фойдасига пенальти белгиланди. Португалиялик футболчи Витиня томонидан амалга оширилган жарима зарбаси рақиб дарвозабони томонидан бартараф этилди. Учрашувнинг 72-дақиқасида Ашраф Ҳакими ҳисобни 2:0 кўринишига олиб келди, кейинчалик Букаё Сака орадаги фарқни қисқартирди.

Ўйинда 2:1 ҳисоби қайд этилди. Иккала ўйинда ҳам парижликлар ғалаба қозонди ва финалга йўл олди. 31 май куни Мюнхен шаҳрида финал баҳси ўтказилади. Унда “Интер” ва “ПСЖ” жамоалари чемпионлик учун курашади.

• Арсенал
• PSJ
• ЕЧЛ