Исроил бош вазири Бенямин Нетаняху Ғазо сектори жанубидаги Рафаҳ шаҳри ҳудудига борди. Бу ҳақда Исроил бош вазири девонининг маслаҳатчиси Дмитрий Генделман маълум қилди.

Келтирилишича, Генерал-лейтенант Мишел Жанко Нетаняхуга логистика, техник хизмат кўрсатиш ва тиббий ёрдам тизимлари фаолияти ҳақида батафсил маълумот берган.

Бундан ташқари, 162-армия қўмондони, бригада генерали Итзик Коэн ҳукумат раҳбарига дивизиянинг бутун Рафаҳ бўйлаб, ҳам ер остида, ҳам қуруқликдаги фаолияти ҳақида кенг қамровли тезкор маълумот берган.

Кейин эса Нетаняху Филаделфия ўқида жойлашган кузатув пунктига борган ва у ердан жанговар ҳудудни кўздан кечирган. Бош вазир Гивати жангчилари ва маъмурий жанговар ёрдам тизими ходимлари билан ҳам суҳбатлашган

Сафар давомида Нетаняхуга Бош вазир аппарати раҳбари Тсачи Браверман, Миллий хавфсизлик кенгаши раҳбари Тсачи Ҳанегби ва бош вазирнинг ҳарбий котиби, генерал-майор Роман Хофман ҳамроҳлик қилган.

• Binyamin Netanyaxu
• Фаластин
• Isroil