Нетаняху 1 июн куни ўз баёнотида Исроил “XАМАСнинг ҳарбий ва бошқарув салоҳияти йўқ қилинмагунча” доимий ўт очишни тўхтатишга рози бўлиши ҳақидаги ҳар қандай фикр “муваффақиятсиздир”, – дея айтган. Бу ҳақда Реутерс агентлиги хабар берди.

Байден 31 май куни Исроил ўз қўшинларини қисман олиб чиқиш ва гаровдагиларнинг баъзиларини озод қилиш билан 6 ҳафталик дастлабки сулҳни ўз ичига олган келишувни таклиф қилганини, икки томон эса воситачилар иштирокида “ҳарбий ҳаракатларни бутунлай тўхтатиш” учун музокаралар олиб боришини айтган эди.

Бироқ Нетаняху эртасига, 1 июн куни бу ҳаракатлар мутлақо “муваффақиятсизлиги” ҳақида ўз нутқида айтиб ўтган.

Шунингдек, Исроил Бош вазири Бинямин Нетаняху ХАМАС йўқ қилинмагунча Ғазода доимий сулҳ бўлиши мумкин эмаслигини айтди ва бу билан АҚШ президенти Жо Байден таклиф қилган ва фаластинликлар қўллаб-қувватлаган сулҳ режасининг муддати ва мазмуни масаласини кўтарди.

АҚШдан ташқари, Миср ва Қатар давлатлари ҳам бир неча ой давомида урушни тугатиш учун воситачилик қидираётганини айтмоқда. Аммо ҳали ҳануз Исроил ва ХАМАС ўртасидаги уруш ўз якунига етгани йўқ. ХАМАС ҳар қандай келишув ортидан Исроилнинг ўт очишни бутунлай тўхтатиш бўйича хатти-ҳаракатларини, жумладан, қўшинларнинг бутунлай олиб чиқилишини истамоқда.

• АҚШ
• Isroil
• Misr
• Қатар
• Уруш