Исроил бош вазири Бенямин Нетаняху ва унинг Вазирлар Маҳкамаси аъзолари оммавий тадбирларда иштирок этмайди. Исроил ҳукумати аъзолари жанг чизиғи яқинидаги очиқ жойларда саёҳат қила олмайди.

Шунингдек, Исроил элчихоналари ва консулликларида хавфсизликни кучайтириш чоралари кўрилган. Таъкидланишича, дипломатларга оммавий тадбирларда қатнашмаслик тавсия қилинган.

Бундан олдин Исроил ҳарбий-ҳаво кучлари қўмондони генерал-майор Томер Бар Исроил авиацияси учун эришиб бўлмайдиган мақсадлар йўқлигини, у барча йўналишларда жанговар ҳаракатларга тайёрлигини айтган эди.

31 июль куни Эроннинг олий раҳнамоси Али Хоманаий Исроилга ҳужум қилишни буюргани ҳақида хабарлар тарқалди.

Аввалроқ, Эрондаги масжидлардан бирининг устида Исломий қасос рамзи сифатида қизил байроқ кўтарилган эди.

• АҚШ
• Eron
• Фаластин
• Isroil
• Уруш