Бразилия терма жамоаси ҳужумчиси Неймар Жанубий Корея билан ўйингача ЖЧ-2022 1/8 финал учрашувида жароҳатидан фориғ бўлишга улгурмаслиги мумкин.

«Неймар ва Алекс Сандрога келсак, кейинги ўйинда уларга ишонишимиз учун ҳали 72 соат вақтимиз бор. Бизда ҳамма нарсани секин қабул қилиш ва улар сафга қатишгунча кутиш имконияти мавжуд.

Улар ҳали майдонда тўп билан ишлашни бошлашмаган. Бу жараён шанба куни бошланади ва улар юкламаларни қандай енгишларини кўриш муҳимдир.

Шунга қараб, уларнинг сафга қайтиш шартлари ўзгариши мумкин, — дейди Бразилия терма жамоаси шифокори Родриго Ласмар.

Қайд этиш мумкин, Неймар Сербия терма жамоаси билан 1-тур учрашувида (2:0) жароҳат олди. Ҳужумчида вирусли инфекция аломатлари ҳам бўлган. Неймар гуруҳ босқичида Бразилия билан иккита ўйинни ўтказиб юборди.

Маълумот ўрнида, Бразилия ва Жанубий Корея терма жамоалари ўртасидаги ЖЧ-2022 1/8 финал учрашуви 5 декабрь куни бўлиб ўтади.

• Футбол
• Жаҳон чемпионати
• Жароҳатлар
• Неймар