«Пентакампеонлар» ЖЧ нимчорак финалида Жанубий Кореяни йирик ҳисобда мағлуб этишди (4:1).

Бразилия терма жамоаси тарихида иккинчи марта жаҳон чемпионати доирасидаги ўйиннинг биринчи ярмида тўртта гол урди.

ЖЧ-2022 1/8 финалининг биринчи ярмида Жанубий Кореяга қарши (4:1), Винициус Жуниор, Неймар (пенальтидан), Ришарлисон ва Лукас Пақуэта гол уришди.

Бунгача бразилияликлар 1954 йилги жаҳон чемпионатида Мексикага қарши ўйиннинг биринчи бўлимида тўртта гол уришган, ўша учрашув 5:0 ҳисобида якунланганди.

Шунингдек, Бразилия терма жамоаси биринчи бўлиб ЖЧ-2022 учун бутун таркибидан фойдаланди.

Бош мураббий Тите Қатарга келган барча футболчиларни турнирга жалб қилди ва қайдномадан жой олган 26 нафар ўйинчининг барчасини майдонга туширди.

Жанубий Кореяга қарши 1/8 финал учрашувида турнирда ҳали ўйин амалиётига эга бўлмаган сўнгги футболчи, дарвозабон Уэйвертон майдонга тушди. У 80-дақиқада Алиссонни алмаштирди.

Қайд этиш керакки, терма жамоанинг барча аъзолари ЖЧ тарихида биринчи марта фойдаланилаётгани йўқ – буни 1994 йилда Греция (22 нафар), 2014 йилда эса Нидерландия (23 нафар) амалга оширган.

Бундан ташқари, Бразилия кетма-кет 8 марта жаҳон чемпионатининг чорак финалига чиқди.

Охирги марта бразилияликлар ЖЧ-1990да бу босқичга чиқа олмаган. Ўшанда «пентакампеонлар» Аргентинадан 1/8 финалда мағлубиятга учрашган эди.

Ўшандан бери Бразилия икки марта жаҳон чемпиони (1994, 2002) ва бир марта иккинчи ўринни эгаллаган (1998) бўлган.

Қўшимчасига, Бразилия терма жамоаси сўнгги 24 йил ичида биринчи марта жаҳон чемпионати плей-офф ўйинида тўртта гол урди.

Охирги марта бразилияликлар 1998 йилда Чили термаси мағлуб этилганда (4:1) нокаут ўйинларида 4 та гол уришган эди.

• Braziliya
• Футбол
• Жаҳон чемпионати