Нодавлат олий таълим ташкилотларига кириш истагида бўлган ўзбекистонликлар ўқув даргоҳини танлашда ҳушёрроқ бўлишга чақирилади. Бу кўпинча таълим хизматларини кўрсатиш учун лицензияга эга бўлмаган нодавлат университетларга тааллуқлидир. Уларнинг айримлари ҳаттоки хорижда таълим олаётган юртдошларимизга ўқишларини Ўзбекистонга имтиҳонсиз кўчириш бўйича ваъдалар беришади. Мазкур ҳолатлар бўйича Вазирлар Маҳкамаси ҳузуридаги Таълим сифатини назорат қилиш давлат инспекцияси маълумот бериб, фуқароларни огоҳликка чақирди.

Қайд этилишича, кўпчилик “Водий инновацион университети, Самарқанд-Корея халқаро университети, Ангрен-Корея халқаро университети, Халқаро Европа университети каби муассасаларнинг дипломлари Ўзбекистонда тан олинадими?” деган саволни беришади.

“Таълим сифатини назорат қилиш давлат инспекциясининг маълум қилишича,  юқорида номи келтирилган таълим ташкилотлари Ўзбекистонда олий таълим хизматларини кўрсатиш ҳуқуқини берувчи ҳеч қандай лицензияга эга эмас. Қонун ҳужжатларида белгиланган талабларга мувофиқ, Таълим инспекциясидан олий таълим хизматлари кўрсатиш учун лицензия олмаган нодавлат олий таълим ташкилотлари томонидан берилган дипломлар тан олинмайди”, — дейилади хабарда.

Шунингдек, 2018-2020 йиллар оралиғида лицензияга эга бўлган нодавлат олий таълим ташкилотлари сони эса 13 тани ташкил этган бўлса, амалга оширилган ислоҳотларнинг натижасида биргина 2021 йилнинг ўтган даври мобайнида 18 та нодавлат олий таълим ташкилоти фаолияти лицензияланди.

Таъкидланишича, Таълим сифатини назорат қилиш давлат инспекцияси веб-сайтида нодавлат таълим ташкилотлари реестри мавжуд бўлиб, унда лицензияланган таълим муассасалари тўғрисидаги маълумотлар мунтазам жойлаштирилиб борилмоқда. Ҳозирда тасдиқланган муассасалар рўйхати қуйидагича:

• Институт
• Талабалар
• Университет