22 июль куни Олий таълим, фан ва инновациялар вазири Қўнғиротбой Шарипов Нукус шаҳрида Билим ва малакаларни баҳолаш агентлиги томонидан тест синовлари ўтказилаётган бинога ташриф буюриб, имтиҳон жараёни, техник ва ташкилий шарт-шароитлар билан танишди. У абитуриентлар ва уларнинг ота-оналари билан суҳбатлашиб, таълим тизимида шаффофлик ва имкониятлар тенглигини таъминлаш муҳимлигини таъкидлади. Шунингдек, вазир Нукус шаҳридаги 1-сонли политехникумда бўлиб, у ерда Буюк Британиянинг BTEC таълим дастури асосида халқаро ўқув курсларини жорий этиш масалалари, шунингдек муассасадаги қурилиш-таъмирлаш ишлари билан танишди. Вазир қурилиш ишларида иштирок этаётган мутахассислар билан суҳбатлашиб, аниқ тавсияларини берди.

Шу куни Қўнғиротбой Шарипов Нукус шаҳридаги Билим ва малакаларни баҳолаш агентлиги томонидан ташкил этилган тест синовлари жараёни билан ҳам танишди. У тест синовлари ўтказилаётган бинога ташриф буюриб, имтиҳонларнинг ташкил этилиши, техник ва санитария-гигиена шароитлари, абитуриентлар учун яратилган қулайликлар ҳолатини ўрганди.

Ташриф давомида вазир абитуриентлар ва уларнинг ота-оналари билан самимий суҳбатлашди, уларнинг фикр ва таклифларини тинглади. Вазир таълим тизимида шаффофликни таъминлаш, синов жараёнларини адолатли ўтказиш ва ҳар бир ёшнинг муносиб таълим олиш ҳуқуқини кафолатлаш давлат сиёсатида устувор аҳамият касб этишини алоҳида таъкидлади.

• Имтиҳон
• Олий таълим
• Oliy ta'lim, fan va innovatsiyalar vazirligi
• Qabul OTM