Қозоғистоннинг собиқ президенти Нурсултон Назарбоев Остонадаги шифохоналардан бирига ётқизилди. Шифокорларнинг айтишича, унинг юраги операция қилиниши мумкин.
Қозоғистонлик журналист Александр Аксютиц собиқ президент Нурсултон Назарбоевнинг касалхонага ётқизилиши ва унинг мумкин бўлган операцияси ҳақида маълум қилди.
“Менинг манбаларим Нурсултон Назарбоевнинг Остонадаги шифохоналардан бирига ётқизилганини айтди. Унинг юраги кенг қамровли текширувдан ўтказилади. Тиббиёт ходимларининг айтишича, жарроҳлик амалиёти ҳам бўлиши мумкин”, – дея ёзган Аксютиц ижтимоий тармоқдаги саҳифасида.
Эслатиб ўтиш мумкин, Назарбоев ҳозир 82 ёшда.
Назарбоев 1989 йилдан 2019 йилгача Қозоғистонни бошқарган давлат ва сиёсат арбоби ҳисобланади. У 1991 йил 16 декабрдан 2019 йил 20 мартгача Қозоғистон Республикасининг биринчи Президенти сифатида фаолият юритган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!