Баҳрайн пойтахти Манама шаҳри мезбонлик қилган катталар ўртасидаги жаҳон чемпионати ўз ниҳоясига етди. Анчайин муросасиз кечган чемпионат якунларига кўра, Ўзбекистон терма жамоаси аъзолари 3 та олтин, 1 та кумуш ҳамда 2 та бронза, жами 6 та медаль жамғарди. Эркаклар терма жамоаси эса ушбу натижа орқали дунёнинг 70 га яқин мамлакати иштирок этган жаҳон биринчилигида умумжамоа ҳисобида 3-ўринга эга чиқди.

Манамадаги жаҳон чемпионатида -89 кг вазн тоифасида Сарварбек Зафаржонов даст кўтаришда бронза медални, -81 кг вазн тоифасида Муҳаммадқодир Тоштемиров даст кўтаришда бронза ва иккикураш якунларига кўра кумуш медални, -109 кг вазн тоифасида Шарофиддин Амриддинов даст кўтаришда олтин ҳамда худди шу вазн тоифасида Руслан Нурудинов силтаб кўтаришда ва иккикурашда олтин медални қўлга киритди.

• Жаҳон чемпионати
• Оғир атлетика