ОАВларда тарқалган “Она уйдаги ширинликни рухсатсиз еган боласининг қўлини куйдирди” мазмунидаги хабар юзасидан Болалар омбудсмани маълумот берди.

Аниқланишича, Х.А. (1991 йилда туғилган аёл) 2024 йил 30 октябрь куни 8 ёшли ўғли Б.А. (2016 йилда туғилган) уйдаги ширинликларни рухсатсиз еганлиги сабабли уни гўёки жазолаш мақсадида бармоқлари ораси ва бошқа тана аъзоларига пахта тиқиб, ёққан.

Натижада бола танасида 1 ва 2-даражадаги куйиш юзага келиб, у енгил тан жароҳати олган.

Олмалиқ шаҳар ИИБ томонидан Х.А.га нисбатан ЖКнинг 110-моддаси (қийнаш) 2-қисми “а” банди бўйича жиноят иши қўзғатилган ва яширингани туфайли унга қидирув эълон қилинган. Жорий йилнинг 7 февраль куни Х.А. процессуал тартибда ушланиб, унга тегишли суд ажрими асосида қамоқ эҳтиёт чораси қўлланилган.

Болалар омбудсмани мазкур ҳолат юзасидан ўз кузатувини давом эттирмоқда.

• Бола
• Jazo
• Toshkent viloyati
• shirinliklar