“Толибон” Олий таълим вазирлиги Ўзбекистон афғонистонлик талабаларга 50 та стипендия ажратишини эълон қилди. 

Вазирликнинг илмий маслаҳатчиси Лутфуллаҳ Хайрхоҳ Ўзбекистоннинг Кобулдаги элчиси Ёдгорхўжа Шодмонов билан учрашди. Улар Ўзбекистондаги афғонистонлик талабаларнинг муаммоларини ҳал қилиш ва икки томонлама ҳамкорлик масалаларини муҳокама қилган.

Ўзбекистон элчиси учрашувда афғонистонлик талабаларга 50 та стипендия берилишини айтган. “Толибон” Олий таълим вазирлиги стипендиялар бакалавриат талабаларига берилишини билдирган. Ҳозирча ушбу стипендиялар қайси таълим йўналишларини қамраб олиши ва улар қандай берилишига аниқлик киритмаган. Вазирлик айни пайтда Ўзбекистонда 43 нафар афғонистонлик талаба таҳсил олаётганини маълум қилган. Аввалроқ Япония ҳам афғон талабаларига стипендия ажратилишини эълон қилганди.

• Афғонистон
• Стипендия