Рақобат қўмитаси давлат харидлари тизимида “Рақобат тўғрисида”ги ҳамда “Давлат харидлари тўғрисида”ги Қонунларига риоя этилиши юзасидан доимий мониторинг ишларини олиб бормоқда.

Республика ҳудудлар кесимида

Қорақалпоғистон Республикаси

“Ўзбекистон темир йўллари” АЖ Қўнғирот санаторийси томонидан ўтказилган 654 млн сўмлик тендерда қонунбузарликка йўл қўйилган. Шартнома ҳақиқий эмас деб топилди ва буюртмачига жарима белгиланди.

Андижон вилояти

Андижон фтизиатрия сиҳатгоҳи томонидан ўтказилган 270 млн. сўмлик 2 та тендерни ўтказишда қонунчиликда белгиланган тартиб бузилгани аниқланди. Буюртмачига расмий кўрсатма берилиб, мансабдор шахсга маъмурий чора кўриш юзасидан тегишли маълумотлар суд органларига юборилди.

Бухоро вилояти

440 млн сўмлик овқат етказиб бериш тендери ўрганилиб, талабларга тўлиқ жавоб бермаган иштирокчиларга нохолис баҳо берилгани аниқланди. Ҳолат юзасидан буюртмачига нисбатан иш қўзғатилиб, бажарилиши мажбурий кўрсатма берилди.

Навоий вилояти

Ғозғон шаҳар мактабгача ва мактаб таълими бўлими томонидан 41,2 млн сўмлик озиқ-овқат хариди бўйича эълон жойлаштирилган. Савдоларда битта таъсисчига эга икки корхона иштирок этгани аниқланиб, мазкур субъектларга нисбатан иш қўзғатилди ва бажарилиши мажбурий кўрсатма берилди.

Навоий шаҳар Ободонлаштириш бошқармаси томонидан 63 млн сўмлик жиҳозлар харидида иштирокчилар тўлиқ ва холис баҳоланмагани аниқланиб, иш қўзғатилиб мажбурий кўрсатма берилди. Танловда иштирок этган икки субъект ўртасида рақобатга зид келишув аломатлари бўлгани учун ҳам иш қўзғатилиб, “БРИГҲТ LAND” МЧЖга молиявий жарима қўлланилди.

Қашқадарё вилояти

Ўзбекистон Маҳаллалари уюшмасининг Косон тумани бўлими томонидан ўтказилган 70 млн сўмдан ортиқ 4 та тендерда таклифларни баҳолаш мезонлари бузилган. Мансабдор шахсга маъмурий чора кўриш юзасидан тегишли маълумотлар суд органларига юборилди.

Самарқанд вилояти

“этендер,узех,уз” портали орқали ўтказилган 2,6 млрд сўмлик 7 та тендерда фақат 2 та аффилланган корхона иштирок этгани сабабли рақобат муҳити бузилган. Суд қарорига мувофиқ, ҳар иккала корхонага молиявий жарима қўлланилди.

Сирдарё вилояти

Республика ихтисослаштирилган дерматовенерология ва косметология илмий-амалий тиббиёт марказининг Сирдарё вилоят ҳудудий филиали амалга оширган 62 млн сўмлик 3 та давлат харидида қонунбузилиш аниқланиб, муассасага нисбатан иш қўзғатилди ва мажбурий кўрсатма берилиб, белгиланган тартибда чора кўриш учун тегишли органга тақдим этилди.

Тошкент вилояти

“Ўзбеккўмир” АЖнинг 271 млн сўмлик тендерида “ФОРОФФИCЕ” МЧЖ ва “ФУЛЛ-МИХ” ХК корхоналари бир хил IP манзилдан қатнашгани аниқланиб, қонун талабларини бузганлиги учун иш қўзғатилиб, молиявий жарималар қўлланилди ва бажарилиши мажбурий кўрсатма берилди.

Маълумот учун: “Рақобат тўғрисида”ги Қонуни талабларига мувофиқ, давлат харидларида барча тендер иштирокчиларига тенг шароитлар яратилиши, улар таклифлари белгиланган талаблар ва баҳолаш мезонлари асосида холис ва шаффоф тарзда баҳоланиши шарт.

Шунингдек, савдоларда бир лот доирасида аффилланган ёки ўзаро манфаатдор бўлган шахсларнинг иштирок этиши, тендер натижасини сунъий равишда назорат қилиш — рақобатга зид ҳаракат сифатида баҳоланади.

• Давлат бюджети
• Давлат дастури
• Истеъмолчи
• raqobat