Эндиликда мансабдорнинг хатоси учун давлат эмас, айнан ўзи жавоб беради.

Агарда давлат органи ёки мансабдор шахс қонунга хилоф равишда қарор чиқарса, кимнингдир ҳуқуқини бузса, одамлар ёки бирор-бир ташкилотга зарар етса, етказилган моддий зарар суд қарори билан албатта қоплаб берилади. Ушбу қоида барча давлат органларига, унинг ҳуқуқий бўлинмаларига ва мансабдор шахсларга тааллуқлидир.

Алоҳида ҳолларда зарарни қоплаш тартиби бошқа қонунлар билан баҳоланади. Масалан, Ички ишлар, Миллий гвардия, божхона, ҳарбийлар ёки давлат нотариусларининг хатолари туфайли етказилган зарар ҳам қопланади. Фавқулодда ҳолатлар, операциялар ёки давлат эҳтиёжлари учун олиб қўйилган ер учун етказилган зарарларни қоплаш тартиби ҳам белгиланган.

Давлат хатоси туфайли одам ёки ташкилотга зарар етказилса, бу зарар суд қарори билан давлат ҳисобидан тўланади. Бундай ҳуқуқбузарлик содир бўлганда қонун устувор бўлади, инсоннинг ҳуқуқ ва манфаатлари биринчи ўринга қўйилади. Манфаатлар тўқнашувига йўл қўйилмайди. Жараёнлар тўлиқ очиқ ва шаффоф бўлади.

Зарар маҳаллий бюджетларнинг захира маблағларидан, қўшимча бюджет маблағларидан, бюджетдан ташқари жамғармалардан, маҳаллий бюджетларнинг махсус ажратилган маблағларидан фойдаланилади. Зарар миқдори суд қарори асосида баҳоланади. Суднинг қонуний кучга кирган қарори бўлса, зарар ҳудудий компенсация жамғармасидан пул шаклида қопланади.

Энг муҳими, бу маблағлар кейинчалик айбдор деб топилган мансабдор шахслардан тўлиқ тартибда ундирилади.

Қонун бўйича давлат ҳисобидан ноҳақ фойдаланганлар жазоланади, мансабдор шахсларнинг шахсий жавобгарлиги янада оширилади.

• Амалдорлар
• Jazo
• Лойиҳа
• Қонун