Пара каноэ бўйича эркаклар ўртасида KL3 классида баҳслар якунланди. Мазкур баҳсда Ҳасан Қўлдашев 42.258 сония натижа билан маррага биринчи бўлиб етиб келди ва олтин медални қўлга киритди.

Навбатдаги олтин медални эса, пара каноэ бўйича аёллар ўртасида KL3 классида ўтказилган баҳсларда ҳамюртимиз Шаҳноза Мирзаева 50.680 сония натижа билан маррага биринчи бўлиб етиб келди ва делегациямиз ҳисобига навбатдаги олтин медални қўшиб қўйди.

Шунингдек, Нозимахон Қаюмова пара енгил атлетиканинг аёллар ўртасида F13 классида найза улоқтириш дастурида иштирок этиб, 43.36 метр натижа билан кумуш медални қўлга киритди.

Кейинги кумуш медалга пара енгил атлетиканинг аёллар ўртасида F56 классида найза улоқтириш дастурида иштирок этган ҳамюртимиз Наталия Семёнова 17.40 метр натижа билан сазавор бўлди.

Ҳайтмурод Шерқўзиев пара каноэ бўйича эркаклар ўртасида VL3 классида ўтказилган баҳсларда 49.345 сония натижа билан маррага биринчи бўлиб етиб келди ва делегациямиз ҳисобига навбатдаги олтин медални ёздириб қўйди.

Пара енгил атлетиканинг F54 классида аёллар ўртасида ядро улоқтириш дастурида иштирок этган Нурхон Қурбонова 7.34 метр натижа билан иккинчи бўлди ва кумуш медални қўлга киритди.

Навбатдаги медални пара енгил атлетиканинг эркаклар ўртасида Т36 классида узунликка сакраш баҳсида Иззат Турғунов 5.55 метр натижа билан кумуш медални қўлга киритди.

• Kumush
• Олтин
• Паралимпия