31°
Кечаси 18°
Тошкент-Абу-Даби йўналиши бўйича Wizz Air авиақатнови орқали БААга учиб борган 31 нафар Ўзбекистон фуқароси номаълум сабабларга кўра мамлакат ҳудудига киритилмаган.
Ўзбекистоннинг БААдаги элчихонаси Ўзбекистон фуқаролари амирликлар ҳудудига киритилмаётгани юзасидан маълумот берди.
30 ноябрь куни Абу Даби шаҳридаги халқаро аэропортга Тошкент—Абу-Даби йўналиши бўйича Wizz Air авиақатнови орқали учиб келган 31 нафар Ўзбекистон фуқароси номаълум сабабларга кўра амирликлар ҳудудига киритилмаган.
Қайд этилишича, Ўзбекистоннинг Абу-Дабидаги элчихонаси ва Дубайдаги Бош консулхонаси мазкур аэропорт маъмурияти ҳамда амирликларнинг мутасадди идоралари вакиллари билан мулоқотда бўлиб, вазиятни назоратга олган.
«Аэропорт маъмурияти билан ҳамкорликда ҳамюртларимизни уч маҳал овқат билан таъминлаш ҳамда уларга зарур ҳолларда тиббий ёрдам кўрсатиш чоралари ташкил этилди. Юзага келган вазиятни ҳал этиш бўйича барча чора-тадбирлар кўрилмоқда», — дейилган хабарда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
