16 март куни Zo‘rTv телеканалида “Овоз” телешоусининг тақдимоти ҳамда матбуот анжумани бўлиб ўтди. Унда Маданият вазири Озодбек Назарбеков, ўзбек санъати дарғалари, ОАВ вакиллари, ижтимоий тармоқларда кўп сонли аудиторияга эга таниқли шахслар, жамоатчилик фаоллари иштирок этишди.

“Овоз” телешоусига оид энг муҳим маълумотлар:

– лойиҳада бир мавсум 4 ой давом этади;

– Ўзбекистон ва Қорақалпоғистон халқ артисти Озодбек Назарбеков, Ўзбекистон ва Татаристон халқ артисти Фаррух Зокиров, Ўзбекистонда хизмат кўрсатган артистлар Севара Назархон ҳамда Тоҳир Содиқов телешоуда мураббийлик қилишади;

– лойиҳа Ўзбекистондаги иқтидор эгаларини аниқлаш ва саралаш имконини берувчи платформага айланади ва Маданият вазирлиги гарчи ғолиб бўлиш насиб этмаган бўлса-да, лойиҳа орқали назарга тушан истеъдодларнинг кейинги фаолиятига ғамхўрлик кўрсатишни йўлга қўяди;

– Ҳар бир мавсум ғолиби KIA автомобили билан тақдирланади. Финалчилар билан продюсерлик шартномалари тузилади, овоз ёзиш студияларида қўшиқлари бепул ёзиб берилади, мусиқий албомларини чиқаришларига кўмаклашилади;

– болалар учун алоҳида телешоу ташкил этилади;

– лойиҳада ёши, миллати, тили, ижтимоий мансублиги, мусиқий билим бобида профессионал билимга эга ёки ҳаваскорлигидан қатъий назар барча иштирок этиши мумкин.

– Ўзбекистон ушбу телелойиҳани намойиш этиш ҳуқуқини қўлга киритган дунёдаги 76-мамлакатга айланди.

• Маданият
• Вазирлик