“Тошкент метрополитенининг Ерусти ҳалқа йўли йўналишидаги 14 та бекатдан иборат “Технопарк – Қипчоқ” бекатлари ва бекатлар оралиғи бир неча йилдан буён йўловчиларга хизмат кўрсатиб келмоқда.

Жаҳон тажрибасидан келиб чиққан ҳолда, янги қурилган метро йўналишларида метро поездлар ҳаракати ва йўловчилар хавфсизлигини таъминлаш ҳамда сифатли хизмат кўрсатиш мақсадида, ерусти эстакадалари ва бекатлари маълум муддат фойдалангандан сўнг, режали профилактик ишларни амалга ошириш лозим.

Шу муносабат билан Ерусти ҳалқа йўли йўналишининг “Технопарк – Қипчоқ” бекатлари оралиғида босқичма-босқич 3 ой муддатга мўлжалланган режали профилактик ишлари амалга оширилмоқда.

Режали профилактик ишларни кейинги навбатини амалга ошириш учун 2025 йил 28 июнь санасидан бошлаб, “Қурувчилар (12-бекат) – Янгиобод (6-бекат)” бекатлари оралиғида метро поездлар ҳаракати тўхтатилади”, – дея хабар бермоқда “Тошкент метрополитени” ДУК ахборот хизмати.

Шунингдек, хабарда йўловчиларга ноқулайлик туғдирмаслик мақсадида “Қипчоқ–Янгиобод–Қипчоқ” метро бекатлари оралиғида бепул хизмат кўрсатувчи катта сиғимли автобуслар (метробус) ҳаракати йўлга қўйилиши айтилган. Автобуслар ҳар куни тонгги 05:00 дан тунги 23:00 га қадар қатновларни амалга оширади.

• Автобус
• Метро
• Тошкент