АҚШ президенти бу ҳақда ўзининг Truth Social ижтимоий тармоғида ёзиб қолдирди.

“Мен ҳозиргина Нетаняхуни судга чақиришгани ҳақида эшитдим. У бу даҳшатли “шоу”ни 2020 йилнинг майидан бери бошидан кечирмоқда – бу мисли кўрилмаган ҳолат! Бу ишлар цигаралар ва яна бошқа кўплаб адолатсиз айбловларга тааллуқлидир. Суд дарҳол бекор қилиниши ёки Нетаняху афв қилиниши лозим! Менимча, ҳеч ким билан Нетаняху каби уйғунликда ишламаганман. АҚШ қандай қилиб Исроилни қутқарган бўлса, энди Нетаняхуни ҳам қутқаради”, — деб ёзди Доналд Трамп.

Ушбу чақириққа нисбатан Исроил мухолифати етакчиси Яир Лапид қуйидагича жавоб қайтарди: “Трамп бизнинг ички ҳуқуқий ва суд ишларимизга аралашмагани маъқул”.

Маълумот учун, 2016 йил декабрида Нетаняхуга қарши коррупция, шахсий ва ҳукумат манфаатларини суиистеъмол қилиш каби бир неча айбловлар билан боғлиқ жиноий ишлар қўзғатилган. 2020 йилнинг май ойида бу ишлар бўйича суд жараёни бошланган.

• Binyamin Netanyaxu
• Isroil
• Трамп
• norozilik