Миллий статистика қўмитаси маълумотларига кўра, 2025 йилнинг январь-сентябрь ойларида ФҲДЁ органларида республика бўйича 664,6 мингта тирик туғилиш ҳолатлари қайд этилган.

Шундан, ўғил болалар – 343,6 минг (51,7 фоиз), қиз болалар – 321 минг (48,3 фоиз) тани ташкил этган.

Шунингдек, шаҳар жойларда – 319,3 мингта (48 фоиз), қишлоқ жойларда – 345,3 минг (52 фоиз) туғилиш қайд этилган.

Мазкур даврда ҳар мингта аҳолига 23,5 та туғилиш тўғри келмоқда.

Маълумот учун, Ўзбекистоннинг доимий аҳолиси 38 млн 69 мингдан ошиқ кишини ташкил этмоқда (2025 йил 1 октябрь ҳолатига кўра).

Январь—сентябрь ойларида мамлакатда 664,6 минг бола туғилган. Ушбу кўрсаткич 2023 йил мос давридаги туғилишлардан 52,3 минг нафарга, 2024 йил тўққиз ойидагидан 29,3 минг нафарга кам.

• Ўзбекистон
• статистика
• туғилиш