Эрон олий етакчиси Али Хоманаий Россия расмийлари билан вазият яна-да кескинлашган тақдирда мамлакатдан фавқулодда эвакуация қилиш имконияти бўйича музокаралар олиб бормоқда. Бу ҳақда Iran International телеканали ўз манбаларига таяниб хабар берди.

Телеканал маълумотларига кўра, Хоманаий атрофидаги энг муҳим шахслардан бири бўлган Али Асғар Ҳеджази аллақачон Россиянинг юқори мартабали вакилидан кафолат олган. Агар Эронда кескинлик кучайса, Москва унга ва унинг оиласига мамлакатдан чиқиб кетиш учун хавфсиз йўлак таъминлаб беради.

The Times хабарига кўра, Хоманаий 20 нафаргача энг яқин ёрдамчилари ва оила аъзолари билан бирга мамлакатни тарк этиши мумкин.

Яқин Шарқдаги дипломатик манба Iran Интернатионалга маълум қилишича, Исроилнинг Машҳадга берган авиазарбасı Эрон олий етакчисига мамлакатнинг ҳеч бир жойи хавфсиз эмаслиги ҳақида огоҳлантириш бўлган. Таъкидланишича, Хоманаий июнь ойида Исроил билан бўлган 12 кунлик урушдан кейин “руҳий ва жисмоний жиҳатдан анча заифлашган”.

Телеканал версиясига кўра, ҳозирда Хоманаий гўёки Теҳрон шимолида жойлашган бункерда яширинмоқда.

Исроил бош вазири Бинямин Нетаняху ўтган йил 14 июнь куни видео мурожаатида Эроннинг олий раҳбарлари “аллақачон чамадонларини йиғаётганини” айтган эди.

• Eron
• Isroil
• Москва