Жумладан, Божхона қўмитасининг Контрабандага қарши курашиш бошқармаси ҳамда Давлат хавфсизлик хизмати ходимлари томонидан пойтахтнинг Чилонзор туманида ўтказилган тезкор тадбирда олдиндан кузатувга олинган шахс бошқарувидаги автотранспорт воситаси тўхтатилиб, белгиланган тартибда кўздан кечирилганда, машинадаги ҳайдовчи ва йўловчининг чўнтагидан полиэтилен ўрамларда жами 165 гр оғирликдаги “опий” гиёҳвандлик воситаси борлиги аниқланган.

Тошкент шаҳар божхона бошқармаси тезкор тузилмалари томонидан ДХХ ва ИИВ ходимлари билан ҳамкорликда Яшнобод туманидаги офислардан бирида ўтказилган тезкор тадбирда 953 гр оғирликдаги “гашиш” ва уларни ўлчашда фойдаланилган электрон тарози борлиги аниқланган.

Шунингдек, Сурхондарё вилояти божхона бошқармасининг “Айритом” чегара божхона постида қўшни давлатдан кириб келган юк автотранспорт воситасини божхона кўригидан ўтказиш давомида ҳайдовчи автотранспорт кабинасидаги орқа ўриндиқ остида 37 гр “гашиш” гиёҳвандлик воситасини яшириб қўйгани фош бўлган.

Ҳозирда юқоридаги ҳолатлар юзасидан божхона органлари томонидан жиноят ишлари қўзғатилган.

• Божхона
• Chilonzor
• Гиёҳвандлик
• Сурхондарё
• Тошкент
• Юнусобод тумани