Куни кеча Испания томонидан тақдим қилинган 800 640 доза Pfizer (ТРИС, РТУ оригинал) ваксинаси Ўзбекистонга етказилди ва аеропортда мамлакатимиз масъулларига топширилди.

Натижада, март ойида юртимизга олиб келинган коронавирусга қарши ваксиналар миқдори 2 960 640 дозани ташкил қилди.

Ушбу Пфизер ваксиналари Швесия, Италия, Чехия, Хорватия, Испания томонидан тақдим қилинди.

Pfizer (ТРИС, РТУ оригинал)нинг бошқа турдаги ваксиналардан, шунингдек, ушбу Pfizerнинг аввалги версияларидан фарқи шуки, янги партия ваксиналари вируснинг энг сўнгги штаммларига таъсир қилиш имконияти юқори, — дейди Санитария-эпидемиология қўмитаси бўлим бошлиғи Дилором Турсунова.

Ушбу ваксиналар юртимизга COVAX дастури доирасида етказиб берилмоқда.

Ўзбекистонга тақдим қилинган ваксиналарнинг мамлакатлар кесимидаги тақсимоти қуйидагича:

Швесиядан - 722 880 доза;
Италиядан - 702 720 доза;
Испаниядан - 800 640 доза;
Чехиядан - 446 400 доза;
Хорватиядан - 288 000 доза ваксина келтирилган.

• COVID-19
• Ispaniya
• SSV
• Вакцина