Божхонадан гиёҳвандлик воситасини ички аъзосига яшириб олиб ўтмоқчи бўлган шахс қўлга олинди. Бу ҳақда Давлат божхона қўмитасининг матбуот хизмати хабар берди.

Қайд этилишича, Тошкент вилояти божхона бошқармаси “Ойбек” чегара божхона пости ходимлари томонидан хориж фуқароси “Body ssaner” қурилмаси ёрдамида божхона назоратидан ўтказилган.

Натижада, ушбу шахс 8 дона ўрамдаги 376,5 гр опий гиёҳвандлик воситасини ички аъзосига яшириб, Ўзбекистонга олиб кирмоқчи бўлганлиги аниқланган.

Ҳозирда ушбу ҳолат юзасидан божхона органлари томонидан тергов ҳаракатлари давом эттирилмоқда.

• Божхона
• Гиёҳвандлик