Шу кунларда Болгария пойтахти София шаҳрида бадиий гимнастика бўйича давом этмоқда.

Аҳамиятли жиҳати, шиддатли рақобат остида кечган баҳсларда мураббийлар Лилия Власова ҳамда Елена Асланова шогирди машқни бенуқсон бажариши натижасида кучли саккизликка кирди.

Тахмина жаҳон чемпионатининг шахсий биринчилигида лента ва булава билан иштирок этди ва айнан булавадаги машқи самарқандлик қизимизни финалга олиб чиқди. Бундай натижага ўзбекистонлик гимнастикачи қизлардан фақат Уляна Трофимова муваффақ бўлган эди ва бу тарихий натижага ҳам 10 йилдан ошиб кетди.

Шундай қилиб, Тахмина мусобақанинг финал босқичида медаллар учун кураш олиб боради. Бундай даражадаги мусобақаларда сайёрамизнинг энг кучли гимнастикачилари медаллар учун рақобат олиб боришади. Саралаш босқичида Т.Икромова 5-ўринни банд этди ва медаллар учун курашда яхшигина имкониятга эга бўлиб турибди.

Ҳамюртимиздан яхшироқ натижани болгариялик Стилиана Николова, Словакия вакиласи Екатерина Веденеева, Аннализа Драган (Руминия) ҳамда Даря Варфоломеева (Германия) қайд этган.

Яна бир гимнастикачи қизимиз, жаҳон чемпионатида илк маротаба иштирок этаётган Ёсмина Раҳимова лента ёрдамида бажарилган машқларда финалга чиқа олмаган бўлса-да, захирадан жой олди. Демак, бахтли тасодиф унга ҳам катта имконият очиши мумкин.

• Бадиий гимнастика
• Ўзбекистон