Жорий йилнинг 19 январь куни Ўзбекистон Миллий Олимпия қўмитасида 2023 йил бўлиб ўтадиган йирик мусобақаларга тайёргарлик, шунингдек, терма жамоаларда фаолият олиб бораётган хорижлик мутахассислар билан ишлаш мавзуларига бағишланган йиғилиш бўлиб ўтди.

Унда Ёшлар сиёсати ва спорт вазирининг ўринбосари Шаҳрулло Маҳмудов, МОҚ Бош котиби Ойбек Касимов, Қўмита раиси ўринбосари Шерзод Ташматов, МОҚ раиси маслаҳатчиси Алишер Каримов, федерация ва ассоциация масъуллари иштирок этишди.

Мутасаддилар яқинлашиб келаётган Олимпия ўйинларига 400 нафардан ортиқ спортчи билан тайёргарлик кўрилаётгани ҳақида маълум қилишди.

Тадбир давомида яна бир қатор истиқболли режалар кўриб чиқилди. Тез кунда график асосида ҳар бир терма жамоаларда фаолият олиб бораётган хорижлик мутахассислар билан ҳамкорликнинг янги босқичлари федерация мутасаддилари иштирокида батафсил кўриб чиқилиши ҳақида келишиб олинди.

• Олимпиада
• Ўзбекистон
• Parij