BBC хабар беришича, Покистон бугун, 27 февраль куни тунда Афғонистоннинг Кобул ва Қандаҳор шаҳарларига авиазарбалар берган.

Покистон бош вазири матбуот котиби Мошарраф Зайдий ҳужум оқибатида ҳозиргача 27 та “Толибон” ҳарбий пости вайрон қилингани, тўққизтаси эгаллаб олинганини маълум қилди. Шунингдек, 80 дан ортиқ танк, артиллерия ва қуролли транспорт воситалари йўқ қилинган. “Покистоннинг тажовузга зудлик билан ва самарали жавоб қайтариши давом этмоқда”, – деди у.

​Зайдий ҳозиргача жами 133 нафар “Толибон” аъзоси ҳалок бўлгани, 200 дан ортиқ киши яраланганини билдирган.

Покистон мудофаа вазири Хаважа Асиф “Толибон” ҳукуматига қарши “очиқ уруш” эълон қилди. “Покистон мавжуд воситалар ва дўстона мамлакатлар орқали вазиятни нормал ушлаб туриш учун барча саъй-ҳаракатларни амалга оширди. У тўлақонли дипломатия билан шуғулланди. Сабр косамиз тўлди. Энди сиз билан бизнинг орамизда очиқдан-очиқ уруш кетяпти”, – деди Покистон мудофаа вазири.

• Афғонистон
• Покистон
• Уруш