Президент Шавкат Мирзиёев, анъанага кўра, Самарқандга ташрифи чоғида буюк муҳаддис Имом Бухорий қабрини зиёрат қилди.

Қуръон тиловат қилинди.

Давлат раҳбари мажмуа қурилишини кўздан кечирди. Бу ерда қарийб 10 минг намозхонга мўлжалланган масжид, тўртта минора, айвонлар барпо этилмоқда. 

Мақбаранинг ўнг томонида, еростида галерея қурилмоқда. Бу ерда зиёратчилар аллома қабрини кўриш имкониятига эга бўлади. Мақбара наққошлик ва хаттотлик санъати асосида сайқалланади. Унинг деворларига қадимий услубда Қуръони карим суралари ва ҳадислар ёзилади. 

Шу ерда галдаги қурилиш ишлари ҳақида маълумот берилди. Мажмуа ёнида меҳмонхоналар, автотураргоҳ, автобекат, ошхоналар, савдо расталари, таҳоратхона, кушхона барпо этилади. 

Президент уларни сифатли қуриш, кўп сонли зиёратчиларга замонавий қулайликлар яратиш бўйича кўрсатмалар берди.

Давлат раҳбари Ҳазрати Ҳизр мажмуасидаги Биринчи Президент Ислом Каримов мақбарасини ҳам зиёрат қилди.

• Имом Бухорий
• Президент
• Самарқанд