Россия президенти ёрдамчиси Юрий Ушаковнинг маълум қилишича, Владимир Путин 11 октябрь куни Туркманистонга амалий ташриф билан боради.

“11 октябрь куни президент Туркманистон раҳбарининг таклифига биноан амалий ташриф билан Ашхободда бўлади. Владимир Владимирович Путин туркман шоири ва мутафаккири Махтумқули Фироғий таваллудининг 300 йиллигига бағишланган “Даврлар ва цивилизациялар алоқаси — тинчлик ва тараққиёт асоси” халқаро форумида иштирок этади”, – деди Ушаков.

Таъкидланишича, мазкур форумга Қозоғистон, Қирғизистон, Мўғулистон, Тожикистон ва Ўзбекистон етакчилари ҳам ташриф буюради.

Шунингдек, Россия президенти Туркманистонга сафари давомида Эрон президенти Масъуд Пезешкиян билан учрашади.

Ушаковнинг айтишича, бу учрашув икки томонлама масалаларни муҳокама қилиш учун ҳам, албатта, Яқин Шарқда кескин тус олган вазиятни муҳокама этиш учун ҳам катта аҳамиятга эга.

• Eron
• Путин
• Россия
• Туркманистон