Лос-Анжелесдаги “Zirobio” стартапи қайта ишланган қаҳва қуйқумидан тайёрланган дунёдаги биринчи механик қалам “GRIND Z”ни тақдим этди.

Диаметри 5,6 мм бўлган қалам асоси барча автоматик қаламларга мос келади. Ҳар бир новда қаҳва ишлаб чиқариш чиқиндиларидан тайёрланади.

Яъни, қаҳва қолдиқларига махсус боғловчилар қўшилади, бу кофе зарраларини бир-бирига маҳкам ёпишиб олиш ва қоғозга бир текис суртиш имконини беради.

Унинг таркиби 20% қайта ишланган қаҳва ва 80% елим ва мумдан иборат.

Қалам варақда оч жигарранг ранг қолдиради.
Қаламларни пичоқ билан ёки оддий ўткирлаштиргич билан ўткирлаш мумкин. Улар одатий графитдан фарқли ўлароқ, ёзиш пайтида қўлларда из қолдирмайди. Бироқ, қоғоздаги қаҳва изларини ўчириб бўлмайди.

“GRIND Z” қаламлари рассомлар учун эмас, балки офис ходимлари, мактаб ўқувчилари ва талабалар учун кўпроқ мос келади.

Ёқимли бонус сифатида ишлаб чиқарувчи ёзиш вақтида қаҳванинг ёқимли аччиқ ҳидини кафолатлайди.

• sanoat