Қибрай тумани “Май” МФЙ ҳудудидаги қишлоқ хўжалигига мўлжалланмаган 6 гектар ер майдонида маиший чиқинди полигони қурилади. Бу бўйича Тошкент вилояти ҳокими Зойир Мирзаевнинг тегишли қарори имзоланди.

Ажратилган ер майдонидаги маиший чиқинди полигонида санитария-экология, ёнғин хавфсизлиги талабларига риоя этилиши, белгиланган муддатда рекултивация қилиб фаолиятини тугатиши белгиланди.

Ўзбекистон Республикаси Президентининг 2024-йил 4-январдаги “Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида”ги ПФ-5-сонли Фармонида берилган топшириқлар ижросини таъминлаш мақсадида, Тошкент вилоят ҳокимининг 2024-йил 3-майдаги 336-10-0-Қ/24-сонли қарорини, “Чиқинди полигонларини бошқариш дирекцияси” давлат муассасаси Тошкент вилояти ҳудудий бошқармасининг 2024-йил 4-майдаги 22-сонли мурожаатини ҳамда тақдим этилган бошқа ҳужжатларини ўрганиб чиқиб, Ер кодексининг 5-моддаси, “Маҳаллий давлат ҳокимияти тўғрисида”ги Қонунининг 6, 10, 25-моддаларига асосан қарори қабул қилинди.

• Чиқинди
• Қибрай
• Toshkent viloyati
• Zoir Mirzayev