“Жиноий гуруҳ Қозоғистон ва Ўзбекистон чегараси орқали ўтувчи ерости туннелидан икки йил давомида ёқилғи олиб ўтган”, – деб хабар бермоқда “Дунё” ахборот агентлиги.

Казинформ халқаро ахборот агентлиги маълумотига кўра, икки давлат ҳуқуқни муҳофаза қилувчи идораларининг биргаликдаги ҳаракатлари натижасида нефть маҳсулотлари контрабандаси бўйича халқаро схема фош этилган.

“Жиноий гуруҳ Қозоғистон ва Ўзбекистон чегарасида 450 метр узунликдаги ерости туннелини қурган”, – дея хабар қилди Қозоғистон Молиявий мониторинг агентлиги. Туннель орқали икки ой давомида жиноий гуруҳ барқарор контрабанда схемасини йўлга қўйган. Жумладан, хориждан молиялаштириш, логистика, ёқилғи-мойлаш материаллари экспорти амалга оширилган.

Қайд этилишича, Ўзбекистон ҳуқуқни муҳофаза қилувчи органлари ҳам ўз ҳудудида тегишли чораларни кўрган. Қўшма тадбирлар натижасида жиноий схеманинг барча иштирокчилари, жумладан, Ўзбекистон фуқаролари аниқланган. Қозоғистоннинг беш нафар фуқароси ҳам гумондор сифатида қўлга олинган.

• Чегара
• Ўзбекистон
• Қозоғистон
• туннель