Пекин-Тошкент-Пекин рейслари муваффақиятли йўлга қўйилгандан сўнг, “Аir China” Урумчи-Тошкент-Урумчи йўналишида янги тўғридан-тўғри рейсларни амалга оширмоқда.

22 июль куни соат 12:50 да ушбу йўналиш бўйича биринчи рейс Тошкент халқаро аэропортига келиб қўнди. Boeing-737 самолётида етиб келган экипаж ва йўловчилар анъанага кўра сув аркаси, гуллар ва байрамона муҳитда билан кутиб олинган. Бу ҳақда Uzbekistan Airports хабар берди.

“Халқаро авиация етакчиларидан бирининг янги йўналишини кутиб олиш жамоамиз учун муҳим воқеа. Ишончим комилки, Урумчи-Тошкент рейси йўналишлар тармоғида ўзининг муносиб ўрнини эгаллайди ва мамлакатларимиз ўртасидаги иқтисодий, маданий ва гуманитар алоқаларни мустаҳкамлашда ишончли кўприк бўлади”, — дейди Uzbekistan Airports Handling директори Тимур Халилов.

“Аir China” авиакомпаниясининг Урумчи-Тошкент-Урумчи йўналиши бўйича парвозлари ҳафтада уч марта - сешанба, жума ва якшанба кунлари амалга оширилади.

• Ўзбекистон
• Хитой
• parvoz