Қорақалпоғистон Республикасида балиқ етиштириш кўлини сотмоқчи бўлган фирибгар ушланди. Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар берди.

Қайд этилишича, Департаментнинг Қорақалпоғистон Республикаси бошқармаси томонидан ДХХ билан ўтказилган тезкор тадбирда, фуқаро Х.Қ. “Ш.” фермер хўжалигининг балиқ етиштиришга мўлжалланган 200 гектар ер майдони ҳамда балиқ сақлаш кўлини танишлари орқали расмийлаштириб бериши эвазига 250 млн сўмни олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
 

• Baliqchilik
• Фирибгарлик
• Қорақалпоғистон